Ilahi madad kar madad ki ghadi he

الہی مدد کر مدد کی گھڑی ہے

گناہوں کے دریا میں کشتی پھنسی ہے

 

مرے تن پہ غفلت کی چادر پڑی ہے

نحوست گناہوں ک چھائی ہوئی ہے

 

یہی بات ہم نے بڑوں سے سنی ہے

نہ ہو بندگی گر تو کیا زندگی ہے

 

اے ابر کرم آ برس جا برس جا

عجب آگ عصیاں کی مجھ میں لگی ہے

 

نہیں پاس حسنِ عمل میرے مولیٰ

نظر میری تیرے کرم پہ لگی ہے

 

عبید رضا نیکیوں سے ہے خالی

گناہوں میں حاصل اسے برتری ہے

 

لب مصطفی سے خدایا سنا دے

عبید رضا نا ر سے تو بری ہے