AB TO BAS EK HI DHUN HAI KE MADINA DEKHUN – NAAT LYRICS
AAKHRI LAMHON MEIN KYA SHEHR O BIYABAAN DEKHUN
AB TOH BAS EK HI DHUN HAI KE MADEENA DEKHUN
ROO BA ROO RAUZA E SARKAR KE HO MEHFIL E NAAT
KAASH TAIBA HASEEN AYESA ZAMANA DEKHUN
SAAIL E DAR KO SHAHINSHA E ZAMANA KAR DEIN
SHAH E BATHA KA WO ANDAZE SHAAHANA DEKHUN
SAJDA E SAR MAIN KARUN KA’ABE KI AZMAT KE LIYE
SAJDA E DIL KE LIYE KA’ABE KA KA’ABA DEKHUN
UNKE DARBAAR MEIN KUCH HAMKO MILE AYESI ATAA
AUJ PE APNE MUQADDAR KA SITARA DEKHUN
YAA NABI KARDO MERE DIL KO SABHI ZANG SE PAAK
WASL KI RAAT KO MAIN DIL KA CHAMAKNA DEKHUN
SADQA E AALE NABI HAMKO MILE AAJ KI SHAB
GULSHAN E ZAHRA KA RANGEEN NAZARA DEKHUN.
MAAL O ZARR PAAS NAHIN AUR NA PARR HAIN MERE,
BADA MUSHKIL HAI KE MAIN JAAKE MADINA DEKHUN.
SABIR E CHISHTY TADAP DIL MEIN YUN KARLE PAIDA,
AANKH JO BAND KARUN PYAARA MADEENA DEKHUN.
YUN TO IS WAQT BHI AANKHON MEIN HAI RAUZA UNKA,
MERE AAQA KA HAQEEQAT ME BULANA DEKHUN.
WO YAQEENAN MUJHE BULWAINGE TAIBA SABIR,
AUR WAHIN SHAAN SE MAIN JAAN KA JAANA DEKHUN